Sámedikki dievasčoahkkin ásahii njukčamánus 2026 demokratiijalávdegotti Njuovččageahči čielggadan dihte fápmostruktuvrraid ja eará beliid mat váikkuhit Sámedikki ja sámi servodaga oassálastima demokráhtalaš proseassaide.
Sámedikki demokratiijalávdegottis Njuovččageažis lea lávdegoddečoahkkin Skániin čakčamánu 21.-22. beivviid ja dan oktavuođas bovdejuvvo rabas gulahallančoahkkimii lávdegotti barggu birra.
Čoahkkin lea Várdobáikkis vuossárgga čakčamánu 21. b. dii. 17.00-19.00.
Lávdegoddi háliida oažžut árvalusaid ja gullat makkár vásáhusat leat sámi áššiid bargamis báikkálaš demokráhtalaš perspektiivvas.
Lávdegoddi galgá geahčadit beliid mat váikkuhit luohttámuššii, legitimitehtii ja oassálastimii sámi demokratiija hárrái. Sámi báikkálašdemokratiija, bargu sámepolitihkain gielddain lea dehálaš geađgejuolgi sámi demokratiijas. Sámedikki rolla álbmotválljen orgánan álgoálbmogii sápmelaččaide lea maid guovddáš fáddá ja lávdegoddi galgá guorahallat Sámedikki rolla rievttálaš, ásahuslaš ja ekonomalaš rámmaid ektui.
Finn Arne Bieski-Selfors jođiha Sámedikki demokratiijalávdegotti Njuovččageaži ja eará miellahtut leat Helga Pedersen (ii leat mielde govas), Martin Rimpi, Kristin Strømsnes ja Torvald Falch.
Dánil Røkke
Movt lea gulahallan organisašuvnnaid ja ásahusaid mat barget sámi áššiiguin ja Sámedikki gaskkas? Mainna lágiin olaha Sámediggi sámepolitihkalaš ulbmiliid Stuorradikkis ja ráđđehusas? Makkár berre suohkaniid rolla sámi demokratiijas leat? Movt sáhttá báikkálaš sámi siviilaservodat leat mielde nanneme sámi demokratiija ja iešmearrideami? Dát leat muhtun gažaldagat maid lávdegoddi háliida digaštallat ja čuvget.
Čielggadeapmi galgá nannet konstitutionála gulahallama sámi ovddasteami birra, ja stáhta ja álgoálbmoga oktavuođa birra dán válgaáigodagas. Sihke siskkáldas dilálašvuođat sámi demokratiijas, sámi báikkálaš servodagas ja ovttasdoaibman stáhtain ja eará ásahusaiguin galget čuvgejuvvot. Oppasámi oktavuohta galgá leat oassin máhttovuođus.
Finn Arne Bieski-Selfors jođiha lávdegotti ja eará miellahtut leat Helga Pedersen, Martin Rimpi, Kristin Strømsnes ja Torvald Falch. Lávdegoddi galgá čállit njeallje raportta sámi demokratiija birra, mat galget geigejuvvot Sámediggái.
Loga eanet demokratiijalávdegotti birra: Njuovččageahči - Sámedikki demokratiijalávdegoddi