Designaovttasbargu ja koronadoaibmabijut Laš bivttasmerkii

Designaovttasbargu ja koronadoaibmabijut Laš bivttasmerkii

Bivttasmearka Laš lea sámediggeráđis ožžon doarjaga designaovttasbargui ja koronadoaibmabijuide. Lea ealáhushutki ja kárášjohkalaš Kajsa Kvernmo geasa gullá Laš bivttasmearka. Laš/lash namma lea vuolgán sápmelaš sánis.

Deaddil ja stuora govva ihtáSilje Karine Muotkas lea nalde čuvla Laš-bivttaskollekšuvnnas.  – Sápmi dárbbaša motaealáhushutkiid geain sámi designa lea guovddážis. Dat lea suorgi mas leat máŋga aktevrra gos ferte garrasit bargat jus galgá nagodit ásaiduvvat. Danne leat Sámedikki doarjjaortnegat nu deaŧalačča, ja lea hui illudahtti go beassat leat mielde Kajsa Kvernmo ja Laš loktemin, dadjá sámediggeráđi Silje Karine Muotka (NSR).

Laš bivttasmearka ja ealáhushutki Kvernmo oaččui earret eará doarjaga koronadoaibmabijuide vai fitnodat oažžu vejolašvuođa stuorrut ja ovdánit. Álggahanáigi lea hearkkes áigi ja fitnodat áiggošii ruđaid geavahit gelbbolašvuođaloktemii ja márkanastimii vai gálvu eambbo oidnošii.

– Sámediggi lea ruđaid bidjan koronadoaibmabijuide maid sámi fitnodagat sáhttet ohcat. Ollu fitnodagaide lea hástaleaddji áigodat justa dál, ja dalle leat Sámedikki váikkuhangaskaoamit ain deaŧalabbot, loahpaha sámediggeráđi Silje Karine Muotka.

Laš lea oktiibuot ožžon kr 296 500 doarjjan 2020:s.

Eanet dieđuid dahje jearahallama addá Silje Karine Muotka NSR) +47 984 87 576, dahje e-poasta: silje.karine.muotka@samediggi.no