Databearráigeahčču čállá ná reivves Sámediggái 11.5.2026:
Mii eaktudit ahte dii čađahehpet dárbbašlaš doaibmabijuid njulget dán rihkkuma, hehttet sullasaš dáhpáhusaid boahtteáiggis ja ráddjet vejolaš váikkuhusaid guoskevaš ovttaskasolbmuide.
Mii muittuhit ahte persovdnasuddjenmearrádus artihkkal 33 nr. 5 galgá duođaštit dáhpáhusa čuovvoleami, dás maiddái dieđuid duohta diliid, váikkuhusaid ja divvundoaibmabijuid birra. Mii eaktudit maid ahte dii dárkkistehpet ja čuovvulehpet ahte doaibmabijut leat beaktilat ja doarvái guhkit áiggi badjel.
Mii loahpahit ášši dáinna.
Diehtobearráigeahčču bivdá ahte dii dattetge dieđihehpet midjiide jus čuožžilit ođđa dieđut main lea mearkkašupmi áššái. Ášši sáhttá ođđasit rahpat jus ođđa dieđut bohtet ovdan.
Diehtobearráigeahčču galgá dasa lassin árvvoštallat vejolaš váidagiid olbmuin geaidda guoská rihkkumuš, ja ášši sáhttá dan oktavuođas fas rahppojuvvot. Hálddašanlága mearrádusat jávohisvuođageaskku ja bealálašvuođa birra gustojit dalle.
Don gávnnat dievaslaš dieđuid persuvdnadiehtosuodjalusa rihkkuma birra min neahttasiidduin: www.datatilsynet.no/brudd.
Sámedikki doaibmabijut
Sámediggi lei dieđihan guokte spiehkasteami. Goappašat áššit leat loahpahuvvon ja Diehtobearráigeahčus lea sádden seammalágan reivviid dás.
Sámediggi lea bidjan johtui ollu doaibmabijuid njulgen dihtii dán spiehkasteami ja eastadan dihtii ahte sullásaš dáhpáhusat eai fas dáhpáhuva. Doaibmabijuid ollislaš listu gávdno dás: Informasjon om personalmapper i offentlig postjournal - Sametinget
Oassin čuovvuleamis čađaha Sámediggi maiddái kvalitehtasihkkarastima almmolaš poastajournálas: Almmolaš boastalistu lea gaskaboddosaččat giddejuvvon kvalitehta sihkkarastima dihte – Sametinget
– Diehtobearráigeahču loahpaheapmi duođašta ahte mii leat meannudan ášši dohkálaš vuogi mielde. Seammás mii čielgasit váldit vuhtii vuordámuša ahte doaibmabijut čuovvoluvvojit áiggi mielde. Mii šállošit ain sidjiide geaidde dát čuzii go dát dáhpáhuvai. Min ovddasvástádus lea sihkkarastit ahte persondieđut meannuduvvojit riekta, ja ahte luohttámuš Sámediggái bargoaddin ja almmolaš ásahussan fuolahuvvo, dadjá doaibmi Sámedikki direktevra Tommy Somby.
Dán ášši čuovvoleapmi lea oassin Sámedikki dálá barggus nannet stivrema, siskkáldas bearráigeahču ja kvalitehtasihkkarastima.