– Mun illudan gullat Guatemala álgoálbmogiid vásáhusaid birra, dasa mii guoská mearrádusdahkama proseassaide mat gusket kollektiivvalaš vuoigatvuođaide eatnamiidda ja luondduriggodagaide, ja maiddái ráđđádallamiidda ja friddja, ovddalgihtii dieđihuvvon miehtamii. Sin vásáhusat mo bargat álgoálbmotvuoigatvuođaiguin leat relevánttat dasa mii dáhpáhuvvá sámiid ektui, dadjá dievasčoahkkinjođiheaddji Tom Sottinen (Bb).  

Dievasčoahkkinjođiheaddji Tom Sottinen lea bovdejuvvon Guatemalai galledit máŋga álgoálbmoga Guatemalas, daid gaskkas Xinka-parlameantta. Dasa lassin leat šiehtaduvvon čoahkkimat Guatemala eiseválddiiguin ja ON olmmošvuoigatvuođaid allakomisearain. 

Guatemala lea nugo Norga maiddái ratifiseren ILO konvenšuvnna nr. 169 eamiálbmogiid birra, ja vásáhusat konsultašuvnnaiguin ja eamiálbmogiid eanavuoigatvuođaid dohkkeheamis galget digaštallojuvvot. Galledeami lágida Norgga ambassáda Mexicoas. Gielda- ja guovlodepartemeanta, álgoálbmogiid ja nationála unnitloguid ossodat, lea maiddái ovddastuvvon. 

Gulahallanolbmot: 

Dievasčoahkkinjođiheaddji Tom Sottinen, tlf: +47 412 72 386 

Guorahallanjođiheaddji Jon Petter Gintal, tlf: +47 997 74 848