Doarjja álbmotbeaivvi ávvudeapmái

Sámediggeráđđi lea dássážii juolludan oktiibuot 700 492 ruvnno 21 ohccái geat leat ohcan doarjaga smávva ja stuorát doaluide sámi álbmotbeaivvi guovvamánu 6. b. oktavuođas. 

Sámi álbmotbeaivi lea sámi kultuvrra, identitehta ja searvevuođa dehálaš čalmmustahttin. Sámediggi doarju juohke jagi ollu lágidemiid mat ovddidit ja čalmmustahttet sámi kultuvrra ja árbevieruid. Stuorámus doarjja álbmotbeaivvi ávvudeapmái lea 40 000 ruvnno, ja doarjja sáhttá geavahuvvot earret eará konsearttaide, čájáhusaide, semináraide ja eará kulturdoaimmaide.

Paul Bendikk Jåma Árvu/Sámediggi

– Lea dehálaš láhčit dili nu ahte šaddá nu buorre ja searvadahtti álbmotbeaivveávvudeapmi go vejolaš, beroškeahttá das orru riikkas. Doarjagat leat oalle unnit, ja addojuvvojit ollu seamma lágan doaimmaide - leaš dal konsearttat, dáiddalaš ovdanbuktimat, sámi girječállit geat lohket iežaset teavsttaid, dahje seminárat sámi kulturdoaimmaheddjiiguin, dadjá sámediggeráđđi Paul Bendikk Jåma (NSR).

Son lea hui duhtavaš dainna go leat nu ollugat ohcan doarjaga ortnegis.

– Lea hui buorre go nu ollu aktevrrat miehtá Sámi váldet ovddasvástádusa álbmotbeaivvi ávvudeames. Oainnán maid ahte sámi ásahusat hui ollu čađahit čalmmustahttimiid almmá ohcamin lassiruđaid Sámedikkis. Dasa lassin leat máŋga suohkana ieža váldán ovddasvástádusa ávvudit almmá liige doarjaga haga. Dát čájeha ahte lea nanu beroštupmi ja eaiggátvuohta beaivái.

Doarjagat leat juolluduvvon doarjjaortnegis Kulturdoaimmat. Doarjjaortnega mihttomearri lea ahte sámi dáidda ja kultureallin ovddiduvvo ja gaskkustuvvo sámi dáiddabuvttademiiguin ja kulturvásáhusaiguin. Ohcanáigemearri dán ortnegii lea skábmamánu 3. b. 2026 dii. 15.30. Ohcamiid sáhttá sáddet dán beaivái ja dat meannuduvvojit dađistaga go bohtet.

Geahča listtu juolludemiin álbmotbeaivvi ávvudeapmái mat leat juolluduvvon dán rádjai:

Listu juolludemiin álbmotbeaivvi ávvudeapmái mat leat juolluduvvon dán rádjai
OhcciBajilčálaJuolluduvvon supmi
BIRGON JA BIRAS SÁMIID SEARVI BERGEN OG OMEGN SAMEFORENINGKultuvrralaš guoimmuheapmi 6.2.2026 Bergenis35000
STIFTELSEN YTRE KUNSTFAGSKOLEKulturdoalut Sámi álbmotbeaivvi čalmmustahttin Ytre Kunstfagskoles15500
LØRENSKOG I UTVIKLING SASámi álbmotbeaivvi ávvudeapmi40000
ALT GODT ASSámi eahket30000
SÁLAT SÁMESEARVISámi álbmotbeaivvi 2026 ávvudeapmi33000
RAANEN SAEMIEHSaemien aske Raanesne - Samisk måned i Rana50000
OSLO SAMIID SEARVISámi álbmotbeaivvi čalmmustahttin Oslo Sámi Viesus 22000
BESKENJÁRGILISEARVI/BESKENJÁRGA GRENDELAGKonsearta sámi álbmotbeaivvi40000
NORDLYSFESTIVALEN TROMSØ STIRaajroe, The Reindeer Caravan – Nordlysfestivalen 2026150000
AGDER SAMEFORENINGSámi álbmotbeaivvi ávvudeapmi18400
KONGSVIK PENSJONISTFORENINGSámi historjá ja kultuvra Kongsvikas – ovdal ja dál 15000
KYSTSAMENEKystsamene: Čalmmustahttin sámi mánnu 2026 Evenáššis ja Dielddanuoris23000
VISIT SPORT OG KULTURVisit Kirkenes festivála čađaheapmi40000
STUDENTERSAMFUNDET I TRONDHJEMSámi álbmotbeaivi ja Sámi Vahkku Samfundetis40000
ALTTA SAMIID SEARVISámi Álbmot Beaivi Álttás 202627592
KOKELV BYGDE- OG UNGDOMSLAG JAHKOVUOTNA GILI JA NUORAIDSEARVIKonsearta ja kultuvrralaš čalmmustahttin sámi álbmotbeaivvi oktavuođas 15000
ALTA FOLKEHØGSKOLEKonsearta Bernt Mikkel Haglundain31000
HAUAN AKTIVITETSSENTERSámi álbmotbeaivvi ávvudeapmi Fuossko suohkanis10000
VESTERÅLEN OG OMEGN SAMEFORENINGKulturčájáhus Sámeálbmot beaivvi Suortá-2625000
ØKSNES SAMISKE FORENING/ IKSNÁššI SÁME SEARVIDoarjja sámi álbmotbeaivái/sámi vahkkui Iksnáššis40000
Almmuhuvvon 04.02.2026 09.37
Maŋemusat rievdaduvvon 04.02.2026 09.38

Juogadanboalut