Prošeakta galgá nannet idjadanfálaldaga ja láhčit dilálašvuođa buđaldemiide birra jagi. Mihttomearri lea ásahit suvdinnávccalaš ja gánnáhahtti mátkkoštanealáhusfálaldaga guovdu Báhčaveajji – áibbas lahka sihke Bajit Báhčaveajji álbmotmeahci ja Golbmariikkabora.

Dán áŋgiruššama dáhttot ođđa buolva báikki eaiggádat fievrridit ovddasguvlui ja ovdánahttit bearašfitnodagaset. Mihttomearri lea juksat guokte birrajagáš bargosaji ovdal 2026 loahpa.

–Mátkkoštanealáhusas Sámis lea stuorra potentiála, ja Pasvik Camping duođašta mo guovllu olbmot návccaidisguin ávdnejit ođđa vejolašvuođaid iežaset báikki ja meahcci vuolggasajiin. Lea justa dákkár sealgilis olbmuid mii áinnas doarjut – geat áimmahuššet eanadagaid, ávdnejit bargosajiid ja bisuhit ealli gilážiid maiddái áigodagain go eai fina mátkkálaččat, dadjá sámediggepresideanta Silje Karine Muotka.

Doarjja lea addon Máŋggabealálaš ealáhusat juolludanortnega bokte.