– Lea somá oaidnit ahte mii sáhttit leat mielde doarjume guolástusaid Sámis. Lean ilus go mii leat mielde láhčime dili ođđa guolásteddjiide, dadjá sámediggepresideanta Silje Karine Muotka (NSR), ja joatká:

– Lea hui dehálaš doarjut ođđaásahemiid min riddo- ja vuotnaguovlluin, ja juohke ođđa guolásteaddji lea dárbbašlaš resursa iežas lagašbirrasis.

Doarjja addojuvvo Mariidna ealáhusaid doarjjaortnega bokte.