Doarjagiin áigu Hågensen Kystfiske oastit bivdofatnasa fievrridan dihte árbevirolaš guolásteami ruovttubáikkis, Skiervvás.

– Lea dehálaš ja positiivvalaš áŋgiruššan maid mii leat rámis doarjut! Lea hui dehálaš doarjut ođđaásahemiid min riddo- ja vuotnaguovlluin, ja juohke ođđa guolásteaddji lea dárbbašlaš resursa báikkálaš birrasis. Sámediggi bargá dan ala ahte bisuhit ja nannet mariidna ealáhusaid mearrasámi guovlluin, ja dát vuosttašgearddeinvesteren váikkuha justa dasa, dadjá sámediggepresideantta Silje Karine Muotka.

Doarjja juolluduvvo Mariidna ealáhusaid ortnega bokte.