Oktiibuot bohte 25 ohccámuša, ja 24 ledje juolludeami, mii čájeha man garra beroštupmi lea ovdánahttit duoji ealáhussan.
Dát 25 ohcci ovddastit heavvašuhtti gálvojođu mii lea measta 7,4 miljovnna ruvnno.
Dušše okta ohcci hilgojuvvui go váillui Sámi Duodji-mearka. Dat mearkkaša ahte sii geat ohcet doarjaga duodjái sis ferte leat Sámi Duodji-mearka. Mearkkas lea ulbmil dáhkidit geavaheaddji ahte gálvu lea albma duodji ja ahte lea sápmelaš guhte lea duddjon, mii fas nanne kvalitehta ja luohttevašvuođa sámi duodjái.
Ledje guokte áibbas ođđa ohcci. Eará ohccit leat rievddadalli dásis ohccán doarjaga máŋga jagi badjel, mii lea positiiva ja čájeha stabiila ja bistevaš beroštumi duodjái.
Boastagoluide geavahuvvui 2 427 400 ruvnno, ja lei várrejuvvon 2 800 000 ruvnno. Dát dagahii ahte bázii 372 600 ruvnno. Dán ruđa sirdá sámediggeráđđi, ja geavahuvvo earret eará gokčat badjelmeare goluid duodjestipeanddaide ja duodjedivuhusaide.
Elisabeth Erke
Åse M. P. Pulk/Sámediggi
Vaikko ledje vuordán eambbo ođđa ohcciid, de oaidná Sámediggi vejolašvuođa intensiveret áŋgiruššama rekruteret eambbosiid duodjeealáhussii. Sámediggi einnosta ahte áŋgiruššama beaggin boahtá eambbo oidnosii mannjel go guovtti jagi prošeakta “Veahkki fitnodat- ja gávpeovdánahttimii duojáriidda” álggahuvvo ođđajagis.
– Mii leat ilus go nu olu duojárat leat ožžon doarjaga dán jagi. Lea dehálaš midjiide doarjut sihke sajáiduvvan ja ođđa aktevrraid duojis. Mii illudat nannet rekruterema dán dehálaš ealáhusas, erenoamážit min boahtte prošeavtta bokte, mii lea veahkki fitnodat- ja gávpeovdánahttimii duojis, dadjá sámediggeráđđi Elisabeth Erke (Gb).
Vuollelis čuovvu bajilgovva doarjjadustejeddjiin ja doarjjasupmiin: