Hans Ole Eira
Åse M. P. Pulk/Sámediggi
Fitnodat áigu čađahit kurssaid náhkkegahpira goarrumis, nu ahte kursaoasseváldit ohppet dán duoji goarrut. Náhkkegahpirat galget gorrojuvvot gieđain, nu go lea dahkkon áiggiid čađa.
– Sámediggi lea ilus go sáhttá doarjut eanet duojáriid geain lea duodji ealáhussan. Erenoamáš somá lea doarjut duodjedoaimmaid Nuorta-Finnmárkkus, go dán guovllus eai leat nu gallis geain lea duodji ealáhussan, dadjá sámediggeráđđi Hans Ole Eira (Gb).
50 000 ruvdnosaš doarjja addo doarjjaortnegis Duodji: Gelbbolašvuohta, oahpahus ja kurssat, mii lea ohcanvuđot doarjjaortnet 2023 duoji ealáhusšiehtadusa vuolde.
Eira muitala ahte doarjja addo duodjeulbmiliidda olles riikkas, ja dáhtošii eanet duodjedoaimmahagaid geavahit vejolašvuođa ohcat Sámedikkis doarjjaruđaid dán ulbmilii.
Jearahallama addá dahje vástida gažaldagaide sámediggeráđđi Hans Ole Eira (Gb), mob. +47 918 61 471, hans.ole.eira@samediggi.no