Doarjja eanadoalloprošeavttaideSámediggeráđđi lea juolludan oktiibuot 439 000 ruvnno guovtti prošektii eanadoalu, gilvvagárdedoalu ja vuovdedoalu doarjjaortnegis.Sámediggeráđđi lea addán 330 000 ruvdnosaš doarjaga Geir Kristensenii Lákkovuonbađas hukset vuoksánávehii biebmanrusttega. Sámedikki mihttomearri lea buoret árvoháhkan ja eanadoalu ovddideapmi, ja okta vuohki movt dan ollašuhttit lea lasihit Romssa ja Finnmárkku vuovssáid njuovvandeattu riikka gaskameari dássái. Buoret biebmanrusttet mielddisbuktá dávjjibut biebmama ja ahte vuoksá buorebut sáhttá suolbmudit fuođđariid, mii fas buoridivččii vuovssáid ahtanuššama.Sámediggi lea maid addán 109 000 ruvdnosaš doarjaga Grønnslett gårdii Ivgubađas oastit šaddoviesu báikkálaš ruotnasiid buvttadeami ovddideapmái. Báikkálaččat buvttaduvvon borramuš lea bivnnut ja dehálaš ealáhusa ovddideapmái davvin. Grønnslett gård mihttomearri lea lasihit báikkálaš biebmobuktagiid buvttadeami ja guhkit áiggis olahit doarvái stuorra buvttadeami gokčat ovtta jahkebarggu.– Lea hui mávssolaš go mii Sámedikkis sáhttit juolludit doarjagiid eanadollui. Dán vuoru biebmobuvttadeapmái, nugo gilvit šattuid ja nubbi fas lasihit vuovssábiergobuvttadeami. Dat leat bijut mat leat hui dehálaččat biebmosihkarvuhtii. Dat dagaha maid doaluide eambbo dietnasa, mii lea hui buorre, dadjá sámediggeráđđi Berit Marie P. E. Eira (JSL). Almmuhuvvon 14.08.2024 13.14 Maŋemusat rievdaduvvon 15.08.2024 10.35