Elisabeth Erke galledeamen Britt Mari Andersena doalu Deanus. Sámediggi

Britt Mari Andersen Deanus doaimmaha mielkebuvttadeami ja áigu lasihit ođđa biebmanguovddáža náveha lusa. Dohko biddjojuvvo ođđa biebmanrusttet mii sáhttá seaguhit fuođđariid ja buoridit biebmu maid gusat ožžot ja borret.

- Lea somá go mii sáhttit leat mielde doarjumin diliid mat váikkuhit buori ovdáneami ealáhusas. Sisaváldin roavvafuođđariin lea stuorra mearkkašupmi biergo- ja mielkebuvttadeapmái ja doaivut ahte dát investeren sáhttá buoridit doalu ekonomiija, dadjá sámediggeráđđi Elisabeth Erke (Gb).

Dáláš biebmanguovddáš lea birrasiid 10 jagi boaris, molsut ođđaáigásaš rusttegiidda buorida HMS:a ja náveha sihkarvuođa. Návet ferte viiddiduvvot 80 njealjehasmehteriin vai ođđa biebmanrusttet galgá čáhkat návehii.

Juohkinkultuvra

Ann Britt Andersen čájeha mašiinna mii galgá lonuhit. Sámediggi

Elisabeth Erke galledii mannan vahkus boandda, geahččat mo Sámedikki doarjja sáhttá leat veahkkin álkidahttit barggu návetdoalus.

Britt Mari Andersen lea Holmesundas Deanus eret, válddii badjelasas bearaš návetdoalu 2016:s, ja son lea okta dain máŋga boanddain dien guovllus.

– Go galledin Andersena doalu, de muitalii son ahte loaktá hui bures ealáhusas ja ahte son atná árvvus dan doarjaga ja juohkinkultuvrra maid sii leat nagodan hukset bajás guovllus, dadjá Erke.

Sámediggeráđđi háliida vuoruhit ođđa huksema ja viiddis ođđa huksema doaibmavisttiid, ja eanet ođasmahttojuvvon doaibmavisttiid doaibmasuorggi siskkobealde.

Doarjja addojuvvo Eanadoallu, gilvvagárddedoallu ja vuovdedoallu doarjjaortnega bokte.