Sámediggepresidenata Silje Karine Muotka
Åse M. P. Pulk, Sámediggi
Stuora oassi barggus lea registreret, gaskkustit ja dulkot sámi báikenamaid Álttás.
Sverre Eilertsen lea čállán ja almmuhan gonagaseanagirjjiid, muhto ođđa almmuheamis leat ođđa oasit. Earret eará galget systemáhtalaččat geahčadit gos eanaopmodagat leat dál, ja báikenammabarggu oktavuođas lea vejolaš gávdnat eanaopmodagaid ja namaid vai beassá diehtit guđiide báikkiide gonagaseanagirjjit čujuhit.
– Prošeakta lea servodatlaččat hui ávkkálaš dan barggu oktavuođas maid Finnmárkokommišuvdna lea álggahan, mii guoská sámi eanaopmodagaid kártemii ja atnui Finnmárkkus, dadjá sámediggepresideanta Silje Karine Muotka (NSR).
Alta historielag áigu oažžut sadjái ollislaš gova báikenamain mat leat geavahuvvon eanaopmodagaid válddahallamis. Dán barggus sii ovttasbarget Álttá Sámi giellaguovddážiin ja Sámi allaskuvllain Guovdageainnus.
– Go geahčada gonagaseanagirjjiid nu go lea jurddašuvvon prošeavttas, de lea buorre ráhkkaneapmi ja dokumentašuvdna barggu hárrái, erenoamážit ovttasbargui Álttá Sámi giellaguovddážiin ja Sámi allaskuvllain sámi báikenamaid birra, loahpaha Muotka.
Doarjja lea juolluduvvon Sámedikki regionálaovddideami doarjjaortnegis.
Jus áiggut jearahallat dahje jus leat gažaldagat, váldde oktavuođa sámediggepresideanttain Silje Karine Muotka (NSR), tlf. +47 984 87 576, silje.karine.muotka@samediggi.no