Sámediggepresideanta Silje Karine Muotka Åse M. P. Pulk, Sámediggi

Stakkvik lea Gálssa suohkanis ja lea Sámedikki ealáhusovddidan doarjaga doaibmaguovllu siskkobealde, ja danne lei vejolaš addit doarjaga fitnodahkii. Ann Tove nammasaš fanas lea Baksysa vuosttaš guolástanfanas.

Baksys háliida bargagoahtit riddo- ja šárkaguolásteaddjin ja su mihttun lea doalvut guliid báikkálaš guollerusttegiidda mat leat doaibmaavádagas.

– Sámediggi lea movttat go beassá doarjut sin geat áigot bargagoahtit guolásteaddjin sámi guovlluin, ja sávvá ahte doarjja addá buori álggu ođđa guolásteaddjái, dadjá sámediggepresideanta Silje Karine Muotka (NSR).

Viidáseappot dadjá son ahte háliidit buorre rekruterema guolástanealáhussii, ja leat movttegat go eambbosat háliidit álgit guolásteaddjin.

– Go ráhkada iežas bargosaji, de lea maiddái mielde doalaheame ja ovddideame báikkálaš riddoservodaga, dadjá Muotka.

Doarjja juolluduvvo doarjjaortnegis Vuođđoealáhusaid doarjja, mariidna ealáhusat.

Jus leat jearaldagat dahje áiggut jearahallat, váldde oktavuođa sámediggepresideanttain Silje Karine Muotka, tlf: +47 984 87 576, silje.karine.muotka@samediggi.no