Mikkel Eskil Mikkelsen Árvu, Sámediggi

Dán jorgalanprošektii lea Norgga Biibbalsearvi ožžon doarjaga jagis 2020 rájes. Prošeakta lea ovttasbargu Norgga ja Ruoŧa biibbalservviid gaskka, ja goappaš searvvit ruhtadeaba barggu siskkobealde iežaska riikkaid. Ulbmil dáinna prošeavttain lea gárvvet Ođđa Testameantta jorgalanbarggu ja álgit jorgalit válljejuvvon teavsttaid Boares Testameanttas.

Norggas bargá Norgga Biibbalsearvi ovttas Girkoráđiin/Sámi girkoráđiin, Nidaros bismagottiin, Saemien Åålmege ja Nord Universitehtain Levangeris. Biibbalsearvi geavaha maid olbmuid geain lea lullisámegiel gelbbolašvuohta. Prošeakta bargá aktiivvalaččat giellaovddidemiin.

– Sámedikki mielas lea dehálaš ahte lullisámi giellaservodat oažžu jorgaluvvot Biibbala iežaset gillii, lohká sámediggeráđđi Mikkel Eskil Mikkelsen (NSR).

300 000 ruvdnosaš doarjja addo doarjjaortnegis Giellaovddidandoaimmat.

Jearahallama addá sámediggeráđđi Mikkel Eskil Mikkelsen (NSR), tel. +47 917 42 161, mikkel.eskil.mikkelsen@samediggi.no