Sámediggeráđđi Hans Ole Eira (Gb) lea duđavaš go Sámediggi sáhttá doarjut nuorra lullisámi boazosápmelačča gii galgá álggahit lotnolasealáhusdoaimma man vuođđun lea boazodoallu, mátkeealáhus ja vásáhusat.

Påvii addo doarjja ovdánahtti turisma mas áigu geavahit herggiid, ja dát šaddá lotnolasealáhussan sutnje.

– Doaibma galgá álggahuvvot bearašfitnodahkan, ja dat boahtá leat stuorra veahkkin go bearaš maid sáhttá searvat dása nu mo lea oassin árbevirolaš sámi ealáhusain.  Påve áigu ovdánahttit ođđa fálaldaga ja márkanfievrrideami oasit fertejit leat sajis go dákkár fitnodaga ásaha, lohká Eira.

Lars Isak Johannes Påve. Privat

Doarjja addo: Lasseealáhusat boazodoalus doarjjaortnegis. Dán jagi vuoruhuvvojit gánnihahtti álggaheamit main álgovuođđu lea boazodoallu ja doaimmat mat addet mearkkašahtti fitnodatovdademiid ja ođđafuomášumiid.

Sámediggeráđđi Hans Ole Eira addá jearahallama ja vástida gažaldagaide, mob. +47 918 61471, hans.ole.eira@samediggi.no