Lounge Sápmi lea erenoamáš sámi musihkkaprošeakta nuorra musihkkáriidda ja musihkkaberošteddjiide. Álbuma lea Lounge Sámi prošeavtta «Lounge Sápmi + Island» boađus. Davvi Division buvttada álbuma, mii plánejuvvo almmuhuvvot cuoŋománu loahpageahčen 2024. Prošeakta lea hui oidnosis sosiála mediain, ja almmuhuvvo viidát.

Dasa lassin lea artista Elle Maija Klefstad Bær ožžon 250 000 ruvdnosaš doarjaga iežas vuosttaš álbuma almmuheapmái. Klefstad Bær lea buorre ođas sámi musihkkamáilmmis. Sus lea leamaš ollu bargu dan rájes go lei mielde NRK-ráiddus, Stjernekamp 2024:s, ja jerrojuvvo dávjá lávlut ja čuojahit. 

– Mu mielas lea nu somá oaidnit ahte nuorra sámi artisttat ja musihkkárat leat mielde ovddideame sámi musihka. Dát almmuheamit leat mielde boktime beroštumi sihke ođđa ja árbevirolaš sámi musihkkii, dadjá sámediggeráđđi Maja Kristine Jåma (NSR).
 

Doarjagat juolluduvvojit ortnega bokte Luohti ja sámi musihkka.