Doarjagiin áigu hoteallaeaiggát viiddidit vásáhusfálaldaga hotealla gussiide ja geahččalit háhkat ođđa dienasvugiid. Go jo Gáŋgaviika lea oassin Sámedikki hálddašanguovllus, de addo doarjja hotellii Sámedikki ealáhusortnegis ásahusovddideapmi.

– Sámi giliin leat idjadansajit dehálaš oassin báikkálaš fálaldagas. Mii diehtit ahte máŋgga smávva báikkis leat moanat hoteallain leamaš váttis jagit, erenoamážit leat smávit hoteallat ja boradanbáikkit rahčan. Go doarjja addo dál Mehamn Arctic Hotellii, de leat geahččalan ásahit buori vuođu boahtteáigái. Min mielas lea buorre doarjut dán, dadjá sámediggepresideanta Silje Karine Muotka (NSR). 

Jus leat jearaldagat dahje áiggut jearahallat, váldde oktavuođa sámediggepresideanttain Silje Karine Muotka, tlf: +47 984 87 576, silje.karine.muotka@samediggi.no