Lea jurddašuvvon ahte čoagganeamit galget leat dain davimus fylkkain, kurssaid ja doaimmaid bokte galget čoagganeamit veahkkin ovddidit oktavuođa ja hukset fierpmádaga olles biebmobearrašii. Ulbmil prošeavttas lea áimmahuššat sámi perspektiivva ja sihkkarastit ahte sii olahit sámi biebmoruovttuid. 

– Sámediggái lea dehálaš ahte sámi mánát ja nuorat biebmoruovttuin galget oahppat iežaset giela ja kultuvrra. Danne lea dat illudahtti go mii sáhttit leat veahkkin doarjumin prošeavtta mii sáhttá váikkuhit dasa ahte sámi biebmobearrašat besset olahit guhtet guimmiideaset ja dieinna lágiin doaibmat doarjjan ja resursan guhtet guimmiidasaset, dadjá sámediggeráđđi Runar Myrnes Balto (NSR). 

Doarjja lea juolluduvvon doarjjaortnegis Doarjja dearvvašvuođa-, fuolahus- ja mánáidsuodjalusprošeavttaide.