Prošeavtta ulbmil lea oažžut eanet olbmuid álgit guolástemiin, danne lea dehálaš bidjat fokusa dasa ahte ráhkadit buori ja oadjebas arena gos sii sáhttet oahppat suorggi birra eanet, jearrat gažaldagaid ja buktit sin oainnuid. Sii háliidit maiddái buoridit rekruterema guolástusaide "Eanet nissonlaš fidnoguolásteaddjit" ja "Buoridit ássanmovtta ja unnit eretfárren". 

– Lea dehálaš láhččit nu ahte nuorain lea vejolašvuohta háhkat vásáhusaid guolásteamis. Mii leat ilus go beassat doarjut Nuoraid guolástusprošeavtta, ja sávvat ahte sii nagodit rekrutteret eanet nuoraid guolástussii, dadjá sámediggepresideanta Silje Karine Muotka (NSR).