Sámi mánáidgárdi Mos Mánáidgárddit AS Guovdageainnus háliida leat deaŧalaš kulturguoddi Sámis. Mánáidgárdi 72 ollesáiggesajiin lea plánejuvvon álggahuvvot borgemánus dán jagi.

Mánáidgárddi vuođđun lea sámi identitehta, kultuvra ja bajásgeassin. Mánáidgárdi lea jurddašuvvon buot mánáide, ja dan ulbmil lea ahte buot mánát galget oidnot ja gullot árgabeaivvis, seammás go sii čalmmustahttet lihkadanmovtta ja borranmovtta sámi árbevirolaš bargguid bokte.

Mánáidgárdi galgá leat luonddu- ja valáštallanmánáidgárdi. Sii háliidit láhčit vejolašvuođa doallat mánáidgárddi olgun ja doaimmaid mat gullet valáštallamii, borramuššii ja sámi borramušaid ráhkadeapmái, ja vuojadanoahpahussii ja čáhcestoahkamiidda. Sis lea ollu fokus lagas borramuššii luonddu ávkkástallama bokte, mii lea deaŧalaš oassi sámi bajásgeassimis.  

– Dát lea gelddolaš ođđaálggaheapmi mii vuhtiiváldá sámi giela ja kultuvrra vuođđoprinsihppan buot doaimmain, ja dat čuovvu min vuoruhemiid. Mii vuordit gealdagasas oaidnit movt dát doaibmá, ja illudit čuovvut ásaheami viidáseappot, dadjá sámediggeráđđi Mikkel Eskil Mikkelsen.

Doarjja lea juolluduvvon ortnega bokte Doarjja prošeavttaide ja ovddidanbargui mánáidgárddiin, ođđa sámegielat mánáidgárdefálaldagaid ásaheami vuoruheami vuolde.