Doarjja prošeavttaide ja ovdánahttinbargguide mánáidgárddiin

Sámediggeráđđi lea dássážii dán jagi juolludan oktiibuot 1.226.980 ruvnno doarjaga guđa mánáidgárdái: Doarjja prošeavttaide ja ovddidanbargguide mánáidgárddiin doarjjaortnega bokte.

Sámediggeráđđi Mikkel Eskil Mikkelsen olggobealde Sámedikki Kárášjogas. - Deaddil ja stuora govva ihtáMikkel Eskil Mikkelsen Vaino Rensberg, Sámediggi

Dán jagi lea Brekken mánáidgárdi Plassje suohkanis ohcan doarjaga gielladoaimmaide ovcci mánáidgárdemáná váste. Ruhtadoarjja galgá adnot virgádit sámegielat giellačeahpi 50% virgái. Giellačeahppi galgá oassin mánaidgárdebirrasis ja mánáidgárddi beaivválaš doaimmain, vai sajáiduhtte buori sámegielat birrasa mánáidgárdái.

Dál leat guokte lullisámegielat mánáidgárdefálaldaga Plassje guovllus, ja sámediggeráđđi Mikkel Eskil Mikkelsen (NSR) lea hui movttet dainna ovdánemiin.

– Soaitá ahte ásahuvvo sámegielat ossodat Brekken mánáidgárdái, dahje sierra sámi mánáidgárdi Plassjii, mojohallá son.

Goržži mánáidgárdi lea ohcan doarjaga sámegieloahpahussii mas musihkka ja lávlun lea vuođđun. Ja doarjjaruhta galgá adnot bálkáhit prošeaktabargi. Musihka bokte galget mánát oahppat giela giellaoahpahusas, go buohkat besset de oahppat sániid lávlagiin.

Dálbmeluovtta bajásšaddanguovddáža mánáidgárdeossodat lea ohcan doarjaga nannet mánáid, bargiid ja váhnemiid sámegiela báikkálaš árbevirolaš doaimmaid gaskkusteami bokte. Doarjjaruhta galgá gokčat bálkágoluid sámegielat bargái ja maid iešguđetlágan giellaoahpahusdoaimmaid.

Læringsverkstedet Furua Barnehage AS  lea ohcan doarjaga giella ja kulturgaskkusteapmái olggustallama oktavuođas, doarjja galgá geavahuvvot iešguđetlágan doaimmaide sámegiela, kultuvrra ja árbevieruid gaskkusteames.

Lekeplassen barnehage AS lea ohcan ruhtadoarjaga prošektii mas lea mihttun ahte sámegiella ja kultuvra galget laktojuvvot mánáidgárddi pedagogalaš sisdollui, lullisámi mánát galget oažžut nannejuvvot iežaset giela ja gullevašvuođa lullisámi kultuvrii. Eará mánát galget maid beassat oahpásnuvvat sihke sámi gielain ja kultuvrrain.

– Mun sávan ahte buot dát mánáidgárddit lihkostuvvet giellaoahpahusain, lohka Mikkelsen.

Doarjjaortnega: Doarjja prošeavttaide ja ovddidanbargguide mánáidgárddiin mihttu lea ahte mánáidgárddit ožžot buoret kvalitehta sámi gielas ja kulturbarggus.

Ohcanáigemearri lea 02.10.2023 dii. 15.00.

Loga eambbo doarjjaortnega birra Sámedikki neahttasiiddus.

Dás oainnát mánáidgárddiid mat leat ožžon doarjaga Sámedikkis:

 

Oversikt over barnehagene som har fått tilskudd fra Sametinget:
Suohkan Mánáidgárdi Prošeakta Juolluduvvon ru.
Kárášjohka Badjemánáidbeaiveruoktu SA SáMOS 2022 300.000,-
Plassje Brekken barnehage Gielladoaimmat mánáidgárdemánáide 300.000,-
Gáivuotna Goržži mánáidgárdi Sámegieloahpahus musihka ja lávluma bokte Goržži mánáidgárddis 265.000,-
Áltá Læringsverkstedet Furua barnehage AS Giella ja kultuvragaskkusteapmi olgostallama oktavuođas   126.977,-
Áltá Dálbmeluovtta bajásšaddanguovddáža mánáidgárdeossodat Báikkálaš ovddidanprošeavttat main deaddu sámi árbevirolaš bargguin   191.559,-
Troanddin Lekeplassen barnehage AS Ávdnasat ja konkrehtat sámi kultuvrra gaskkusteapmái, doalut váhnemiidda ja mánáide, lassi gelbbolašvuohta bargiide, ovddidit sámi lávlagiid ja musihka mánáidgárdái 43.444,-
Almmuhuvvon 29.06.2023 13.40
Maŋemusat rievdaduvvon 27.06.2024 13.16