Sara Mariell Anti ja Jon Tomas Gaup eaiggádeaba ja jođiheaba Viddas Veidemann AS Guovdageainnus. Fitnodat lea mátkeealáhusfitnodat mii fállá birrajagi bivdinfálaldagaid. Fitnodat geahččala unnidit birasváikkuhusaid iežas doaimmain, dakko bokte ahte earret eará unnida nuoskkideami. 

Fitnodat deattuha ahte háliida buoridit kvalitehta vásáhusain ja lasihit gánnáhahttivuođa daid doaimmaid ektui maid fitnodat fállá, almmá ahte dárbbašit eambbo gussiid. Váldoulbmil lea lasihit dietnasa nu ahte fitnodat olaha ollesáiggebargosajiid. Fitnodahkii lea dehálaš oažžut iežaset márkanfievrriduvvot fitnodaga neahttasiidduin ja oažžut vejolašvuođaid investeret kvalitehtalaš rusttegiid idjadantuvrra fálaldagaid. 

– Mii leat ilus go sáhttit doarjut nanaguoddevaš mátkeealáhusaktevrraid Sámis nu ahte šaddet birrajagi bargosajit. Dán prošeavtta doarjumiin oažžu fitnodat buoridit dietnasa, ja boađusin das lea guhkit ja gánnáhahtti áigodat, nu lohká sámediggepresideanta Silje Karine Muotka (NSR).