Doarjja sámi vásáhusaid, buktagiid ja borramuša ovdánahttimii

Sámediggi lea áigodagas cuoŋománus borgemánnui 2026 juolludan oktiibuot 1 419 000 ruvnno doarjaga gávcci prošektii doarjjaortnegis Sámi mátkeealáhusat, hutkás ealáhusat ja sámi borramuš.

Paul Bendikk Jåma Árvu/Sámediggi

Doarjagat galget veahkehit ovddidit ja oainnusmahttit sámi ealáhusaid ja buktagiid, ja nannet árvoháhkama. Ortnega ulbmil lea nannet ja ovttastahttit sámi mátkeealáhusaid, hutkás ealáhusaid ja sámi biebmobuvttadeddjiid ja -lágideddjiid. 

– Sámi mátkeealáhusat, hutkás ealáhusat ja sámi borramušat leat dehálaččat árvoháhkamii ja ássamii sámi guovlluin. Dát prošeavttat ovdánahttet ođđa buktagiid, vásáhusaid ja deaivvadanbáikkiid mat nannejit sihke ealáhusvuođu ja sámi kultuvrra oainnusmahttima, dadjá sámediggeráđđi Paul Bendikk Jåma. 

Skábmamánu 3. beaivvi rádjái 2026 sáhttá ohcat doarjaga doarjjaortnegis Sámi mátkeealáhusat, hutkás ealáhusat ja sámi borramuš. Ohcamat meannuduvvojit dađistaga ja ovdal go golbma mánu gollet dan rájes go ohcan lea sáddejuvvon.

Doarjjaoažžut: 

Doarjjaoažžut
OhcciProšeaktaJuolluduvvon supmi
Porsangerfjorden Lodge ASOvdaprošeakta: ovddidit luonddu- ja kulturvuđot mátkeealáhusovttasbarggu eará mátkeealáhusaktevrraiguin176 000 ruvnno
Nord Troms Hytteferie DAOvddidit Kjækan Lodge mátkeealáhusfitnodahkan mii birra jagi fállá vásáhusaid mat leat heivehuvvon jagiáiggiid mielde ja iešguđet ulbmiljoavkkuide 300 000 ruvnno
Up North Sami Adventures AS Ovddidit ja kvalitehtasihkkarastit vásáhusaid maid vuolggasadji lea boazodoallu. Aktivitehtat heivehuvvojit jagiáiggi, guohtundilálašvuođa ja bargguid mielde149 000 ruvnno
Lynora Lodge ASÁsahit kulturarena gos lea sávdnji, molssodanlatnja ja man olggobealde lea sadji gos sáhttá dolastit202 000 ruvnno
Muzet ASGaskkustit Rávná nammasaš čikŋahearvakollekšuvnna ollislaš visuála ovdanbuktimiin, ja válbmet buktagiid vuovdaleapmái ja vuovdimii75 000 ruvnno
Arctic Panorama Lodge ASÁsahit sierra lávvu- ja goahteguovllu gos fállet kulturgaskkusteami, biebmovásáhusaid, muitalusaid, guossoheami ja olgoaktivitehtaid404 000 ruvnno
Varangerbonden Arild Wiltmann KeroInvesteret reaidduid restoráŋŋa válbmemii gos áigot doaimmahit kaféa ja vuovdit buktagiid. Ohcci earret eará áigu fállat borramušaid mat leat ráhkaduvvon bierggus mii boahtá su iežas biergobuvttadeamis58 000 ruvnno
Muzet ASRáhkadit hearvačikŋakollekšuvnna masa leat ožžon inspirašuvnna sámi kultuvrras ja duovdagiin  55 000 ruvnno
Oktiibuot 1 419 000 ruvnno
Almmuhuvvon 10.09.2026 09.15
Maŋemusat rievdaduvvon 10.09.2026 10.39

Juogadanboalut