Runar Myrnes Balto Liv Inger Somby / Sámediggi

Ulbmil prošeavttain lea ovddidit doaibmabiju mas oassálastit spealuid ovddideami bokte, dáiddahárjehallama bokte, programmerema, 2D ja 3D oktavuođas mas earenoamážit lea sáhka sámi identitehtas ja kultuvrras, galget čađahit geahččaladdanpilohta gos sii galget hárjehallat dáidduid mat loahpas sáhttet doalvut sin bargohárjehallamii ja bargui. 

– Doaibmabijut mat leat oaivvilduvvon mentála dearvvašvuhtii ja psyhkalaš dearvvašvuhtii leat dehálaččat. Dan dahkat dakko bokte ahte ovddidit ja geavahit spealuid ja digitála vuođđovuogádagaid lea ođas, muhto prošeavtta oasseváldiide lea speallan ja digitála vuogádat oahpis. Dáid bargoneavvuid hálddašit oassálastit bures ja sis lea buorre gelbbolašvuohta. Go daid geavaha ja lihkostuvvá dainna, de dat nanne oasseváldiid mentála dearvvašvuođa, seammás go sii besset geavahit iežaset sámi duogáža prošeavttas, dadjá sámediggeráđđi Runar Myrnes Balto (NSR).

Prográmma lea heivehuvvon olbmuide geat leat heaitán skuvllas dahje leat barggu haga. Oassálastiin ferte leat beroštupmi ja máhtolašvuohta digitála spealuid birra.

Prošeakta muitala ahte prošeavttačilgenhusas boahtá ovdan ahte sin vásáhusat čájehit ahte dávjá leat hástaleaddji vásáhusat mánnávuođas mat dagahit dan ahte nuorat guđđet skuvlla dahje rahčet integreremiin bargoeallimii.

Hállat ja bargat mentála dearvvašvuođain sáhttá leat erenoamáš hástaleaddjin muhtun sámi dievdduide, ja dán háliida prošeakta čalmmustahttit.