Kurt Arne Solheim Árresis Návuona suohkanis. Priváhta

Solheim bargá vildasávzzaiguin Árresis ja áigu dál stuoridit náveha.

Ulbmil lea atnit sávzzaid siste dálvet ja dainna lágiin hukset vuođu lasihit šibihiid. Innovašuvdna Norga lea maiddái dorjon prošeavtta.

Viiddideamit ja stuorit rievdadeamit návehiin leat dakkárat maidda Sámediggi sáhttá juolludit doarjaga eanadoallodoarjjaortnegis. Maiddái 2023:s oažžu Sámediggi dássedit ohcamiid dáidda doarjjaortnegiidda

– Eanandoallu sámi guovlluin lea dehálaš árvoháhkamii, orrumii ja biebmosihkarvuhtii, Mii háliidit doarjut eanandolliid sámi guovlluin geat áigot investeret ja vuoruhit boahtteáiggi, dadjá sámediggeráđđi Berit Marie Eira (JSL).

Berit Marie P.E. Eira Árvu/Sametinget

Juolludeapmi addo: Vuođđoealáhusat – Eanandoallu, gilvvagárdegeavaheapmi ja meahccegeavaheapmi doarjjaortnegis.