Xala Invest AS ovdána mearkkašahtti láhkai guolástusealáhahkii go dál áigo oastit fatnasa. Áŋgiruššan lea dehálaš olahus fitnodahkii, ja váikkuha sihke báikkálaš árvoháhkamii ja ceavzilis guolásteapmái. 

Fitnodat áigu vuosttažettiin oaggut Várpenjárggas Romssas, gos leat unnán bargosajit. Fitnodagas lea sávaldat ahte ásahit ođđa bargosajiid báikkálaš servodahkii boahtteáiggis. 

– Lea dehálaš ja positiivvalaš áŋgiruššan maid mii leat rámis doarjut! Sámediggi bargá dan ala ahte bisuhit ja nannet mariidna ealáhusaid mearrasámi guovlluin, ja dát vuosttašgearddeinvesteren váikkuha justa dasa. Dál ásahuvvo ođđa bargosadji, ja mii sávvat ahte fitnodat sáhttá atnit ávkin ovdalaš buolvva vásáhusaid, ja ahte sámi árbevierut ja máhtolašvuohta guolástanealáhusas seailluhuvvo, lohká sámediggepresideantta Silje Karine Muotka (NSR). 

Doarjja juolluduvvo Mariidna ealáhusaid ortnega bokte.