Sámediggi lea juolludan 70 000 ruvnna Tor Mikalsenii dokumenteret njálmmálaš sámi nammaárbevieruid Davvi- Romssas. Prošeavtta ulbmil lea čohkket nu ollu ovddešáiggi persovdnanamaid Ivggu guovllus go vejolaš, .

Sámediggi lea juolludan 145 000 ruvnna Lásságámmi vuođđudussii prošektii The Vuogas Way.

Dát lea pilohtaprošeakta mas ovcci norggabeale, ruoŧabeale, ja suomabeale sámi duojára galget suokkardit doahpaga The Vuogas Way. Sii galget dipmadujiiguin dán suokkardit ja dáid dujiid galget čájehit Márkomeannus  Maja Kristine Jåma Åse M. P. Pulk/Sámediggi    suoidnemánu 29.-30. 2022.  

Sámediggi lea maid juolludan 25 000 ruvnna festiválii "Kokelv Live" mii lea mearrasámi gilážis Jáhkovuonas Hámmárfeastta suohkanis.   Dán jagi leat nuppi geardde jo lágideamen dán festivála.  Dán arenas galget artista mat bohtet miehtá Davvi-Norgga čuojahit lávddi alde. 

– Dát juolludeamit čájehit unna oasi Sámi kulturdoaimmaid valljivuođas. Lean ilus go servodat lea fas rahpasan maŋŋá corona-pandemiija, ja ahte min kulturbargit besset fas vásihit dábálaš árgabeaivvi, lohká Sámediggeráđđi Maja Kristine Jåma.

Juolludeamit bohtet doarjjaortnegis Kulturdoaimmat.