Doarju árvohuksema ja barggolašvuođa mearrasámi guovlluin

Sámediggeráđđi lea juolludan badjel 1,6 miljovnna ruvnno doaimmaide Mariidna ealáhusaid doarjjaortnega bokte. 

Áigodagas miessemánu rájes skábmamánnui 2026:s lea sámediggeráđđi juolludan 1 647 000 ruvnno logi prošektii mariidna ealáhusas. Doarjagat galget ábuhit árvohuksemii ja barggolašvuhtii mearrasámi guovlluin. 

Guđas dáin ohcciin háliidit bargagoahtit guolástemiin ja ožžot dál doarjaga vuosttaš geardde oastit bivdofatnasa. Ulbmil vuosttašgearddeoastimiid doarjumiin lea bisuhit ja lasihit bargguid mariidna ealáhusain mearrasámi guovlluin. 

Njeallje ohcci ožžo geasset doarjaga čađahit suohkana nuoraidguolásteami 2026. Nuoraidguolásteami ulbmil lea nuoraide čájehit movt guolástusealáhus doaibmá ja lasihit rekrutterema. 

– Jus mii galgat nagodit sihkkarastit ealli mearrasámi riddoservodagaid maiddái boahtteáiggis, de fertejit ođđa buolvvat oaidnit vejolašvuođaid guolástusealáhusas. Min mielas lea dehálaš doarjut dáid prošeavttaid vai eambbosat bargagoađáše guolástemiin, dadjá sámediggeráđđi Jon-Christer Mudenia (NSR). 

Doarjjavuostáiváldit:

Doarjjavuostáiváldit
OhcciBajilčálaJuolluduvvon supmi
STIG-MORTEN PAULSEN ASBivdofatnasa vuosttašgearddeinvesteren241 000 kr
HALONEN FISKEBivdofatnasa vuosttašgearddeinvesteren185 000 kr
NATALIE MARIE VEVANGBivdofatnasa vuosttašgearddeinvesteren250 000 kr
DRENG1 ASBivdofatnasa vuosttašgearddeinvesteren300 000 kr
BENTE BAKKENBivdofatnasa vuosttašgearddeinvesteren198 000 kr
PAULIUS SELEVABivdofatnasa vuosttašgearddeinvesteren250 000 kr
DAVVESIIDDA GIELDAGieldda nuoraidguolásteapmi geasset 2026 50 000 kr
MÅSØY NÆRING OG HAVN KFGieldda nuoraidguolásteapmi geasset 202650 000 kr
ÁLTTÁ SUOHKANSuohkana nuoraidguolásteapmi geasset 202650 000 kr
DÁVVENJÁRGGA GIELDAGieldda nuoraidguolásteapmi geasset 2026100 000 kr
Oktiibuot: 1 647 000 kr
Almmuhuvvon 09.11.2026 10.23
Maŋemusat rievdaduvvon 09.11.2026 10.23

Juogadanboalut