Doarju hámmanrusttega viiddideapmáiSámediggi lea juolludan 300 000 ruvdnosaš doarjaga Hammerfest Havn KF:i hámmanrusttega viiddideapmái Fálesnuoris.Hammerfest Havn KF áigu hukset govdukáijaid bárrobuođu mielde, maid buot báikkálaš guolásteaddjit besset atnit. Dasa lassin áigot hukset govdu návsttuid bálvalusvistin guolásteddjiide. Lea meroštallojuvvon ahte prošeavtta investeremat mákset oktiibuot 8 miljovnna ruvnno. – Mii leat ilus go beassat doarjut dákkár infrastrukturdoaimmaid. Báikkálaš riddoguolástanfatnasat Sámi guovlluin leat gáibideaddji dilis dál, muhto dát investeremat Ráhkkerávjjus veahkehit buoridit guolásteddjiid dili. Mii maiddái sávvat ahte dát veahkeha buoridit rekrutterema guolástusealáhussii, dadjá sámediggepresideanta Silje Karine Muotka (NSR). Prošeakta lea oassin Sámedikki áŋgiruššamis ealáhusaid várás, ja doarjja juolluduvvo mariidnaealáhusaid doarjjaortnegis. Almmuhuvvon 20.01.2025 13.09 Maŋemusat rievdaduvvon 06.02.2025 07.41