Silje Karine Muotka Árvu/Sámediggi

Sámediggepresideantta Silje Karine Muotka (NSR) čájeha doarjaga NVE mearrádussii hilguma ohcamii Davvi bieggamillopárkka Finnmárkkus. Odne dieđihii NVE hilguma preassadieđáhusa bokte. 

– Dát lea dárbbašlaš dohkkeheapmi stáhta geatnegascuođaide álgoálbmot vuoigatvuođaid ja birassuodjaleami ektui. Dát dehálaš vuoitun luonddušláddjivuhtii, boazodollui ja luohttámuššii áššemeannudan vuogádahkii. Mii leat ilus gog NVE lea váldán sámi vuoigatvuođaid vuođas ja deattuhan ahte Lágesduottar lea okta Skandinávia stuorámus luondduguovlluin gos eai leat sisabahkkemat, dadjá Muotka. 

Son deattuha ahte mearrádus sádde čielga signála:

– Min guovllut eai leat vuovdimassii industriijai. Fágalaš ja juridihkalaš vuhtiiváldimat fertejit deattuhuvvot eanemusat, vaikko vel áigodagain goas lea garra politihkalaš huksendeaddu, čujuha Muotka. 

Geasset 2025 rievdaduvvui energiijaláhka nu ahte dál lea váldi hilgut dieđiheami ja gulaskuddama áššiin gos lea čielggas ahte ohcan hilgojuvvo (ođđa § 2.2 viđát čuokkis). 

Jon-Christer Mudenia Árvu/Sámediggi

Sámediggeráđđi Jon-Christer Mudenia (NSR) oaivvilda ahte NVE lea dahkan riekta go lea geavahan dán riektevuođu.

– Davvi bieggamillopárka livččii leamaš stuorra sisabahkken ja livččii hástalan sámi vuoigatvuođaguddii mealgat viidát go dan maid Norggas navde vejolažžan. Danne lea riekta bissehit prošeavtta dál, lohká Mudenia. 

Jearahallamat šihttot politihkalaš ráđđeaddiin Håkon Mudeniain (NSR).