Sámediggi lea áigodagas suoidnemánus gitta skábmamánnui 2026:s juolludan 658 500 ruvnno čieža iešguđetge prošektii luođi ja sámi musihka doarjjaortnega bokte. Dáid prošeavttaid ulbmil lea ovddidit ja gaskkustit luođi ja sámi musihka. 

Paul Bendikk Jåma Árvu/Sámediggi

– Sámi musihkka lea dehálaš giela, kultuvrra ja identitehta seailluheapmái. Luođi ja sámi musihka doarjjaortnega bokte háliidit mii láhčit dili musihkkáriidda ja artisttaide ovddidit, buvttadit ja gaskkustit musihka sihke ođđa ja dálá guldaleddjiide, dadjá sámediggeráđđi Paul Bendikk Jåma (NSR). 

Doarjagat leat addojuvvon iešguđetlágan prošeavttaide, nugo luđiid báddemii koarrahámis, sámegiel popmusihka buvttadeapmái, skearrobuvttademiide ja álbumiid báddemiidda. Addojuvvo maiddái doarjja doallat konsearttaid Kanádas ja Londonis, juoga mii oainnusmahttá sámi kultuvrra, artisttaid ja musihka riikkaidgaskasaččat. 

–  Juolludeamit čájehit man viiddis dálá sámi musihkkaeallin lea. Prošeavttat leat mielde seailluheame ja ovddideame sámi musihkkaovdanbuktima, seammás go oainnusmahttet sámi gielaid, luođi ja kultuvrra sihke riikaviidosaččat ja riikkaidgaskasaččat. 

Doarjjavuostáiváldit: