Sámediggi lea juolludan 100 000 ruvnnu Romssa dáiddasearvái, Tromsø kunstforening, ráhkadit soločájálmasa sámi dáiddáriin Mary Ailonieida Sombán Mariin.
Sámediggeráđđi lea maid juolludan 126 000 ruvnnu Várdobáikái hábmet čehporasa (julevsámegillii tjehpuris) duoljis, mii lea seammalágán go vikiŋgaáiggi Tore Hund čehporas.
Dát lea dat vuosttaš institušuvnnalaš soločájálmas sámi girječálliin ja dáiddáriin Mary Ailonieida Sombán Mariin. Romssa dáiddasearvi gohčoda dán čájálmasa vuđolažžan, ja son leage okta dain eanemus dovddus sápmelaš
Maja Kristine Jåma
Åse M. P. Pulk/Sámediggi
girječálliin gii dál beassá lávddis čájehit dálá áiggi dili.
Mary Ailonieida Sombán Mariin lea maid govvadáiddár, muhto dán birra lea unnán gullon. Dáiddár lea áiggiid čađa bargan njuohtamiiguin, mat dál leat oassin dan ollislaš kreatiiva ja cuiggodeaddji kulturprošeavttas. Son lea dáinna bargan badjel 50 jagi. Soločájálmas addá dáiddárii vejolašvuođa čájehit iežas fágačehpodaga dan “duohta” govvadáidaga arenas.
- Sámi dáiddárat ožžot dál ollu rámi iežaset buori ovdáneamis. Dán sii duođaid ánssášit, ja munnje lea stuorra gudnin doarjut dáiddáriid iežaset bargguiguin, lohká sámediggeráđđi Maja Kristine Jåma (NSR).
Sámediggeráđđi lea maid juolludan 126 000 ruvnnu Várdobáikái hábmet čehporasa (julevsámegillii tjehpuris) duoljis.
Prošeakta lei oassin Norga 1000 jagis, ja lea maid oassin nationálaávvudeamis jagis 2030, ja dán čájehit maid Várdobáikki museas. Mihttun dáinna lea gaskkustit sápmelaččaid ovttasbarggu, sajádaga ja oassálastima vikiŋgaáiggis. Prošeavtta leat čađahan historihkkárat, dutkit, konserváhtorat ja gaskaáigegággásiid ekspearttat.
– Min ásahusain leat máŋga miellagiddevaš prošeavtta maid mii doarjut nu bures go vejolaš, dadjá Jåma.
Dát doarjja juolluduvvo regionálaovdánahttin suorggis.
Jos háliidat jearahallat, de váldde oktavuođa Maja Kristine Jåmain, e-poasta: maja.kristine.jama@samediggi.no