Pall Sigurdsson Privat

Pall Sigurdsson lea olles eallima bargan guolásteaddjin, ja dovdá bures guolástanguovlluid olggobeale Gáŋgaviikka. Guolit mat bivdojuvvojit galget vuvdot gielddas. Sigurdsson lea ovdal bargan guolásteaddjin Islánddas, ja lea dál skiipahoavda guollebivdinfatnasis. Fanas masa son lea investreme, galgá osttot Islánddas. Guolástusdirektoráhta dieđuid mielde ii leat son ovdal eaiggáduššan guolástusfatnasa Norggas.

Pall Sigursson fitnodat maid Pall Sigurdsson jođiha lea Gáŋgaviikka gielddas. Gielda lea okta dain vuođđobirrasiin mat leat Sámedikki ealáhusovddideami doarjjadoaibmaguovllus, ja lea danne vejolaš addit doarjaga fitnodahkii. Ulbmil investeremiin lea doaimmahit riddoguolásteami dain guovlluin mat leat olggobealde gieldda.

Sámedikki mihttu doarjagiin mariidna ealáhusaide lea bisuhit ja lasihit barggolašvuođa mearrasámi servodagain.

- Ealli mearrasámi servodagat lea Sámediggái deaŧalaš mihttomearri, ja go doarjut vuosttaš háhkamiid, de mii leat mielde láhčime bargosajiid ja čuovgga viesuide miehtá mearragátti. Riddolagaš guolásteapmi ja sállašiid vuovdin iežas gielddas addá maiddái positiivvalaš váikkuhusaid báikkálaš servodahkii, dadjá Sámediggepresideanta Silje Karine Muotka (NSR).

250 000 ruvdnosaš doarjja addojuvvo doarjjaortnegis Vuođđoealáhusat - Mariidna ealáhusat.