Elisabeth Erke
Árvu/Sametinget
Elisabeth Erke (62) lea leamaš Guovddášbellodaga (Gb) sámediggejoavkku joavkojođiheaddji. Son lea ovdal maid leamaš dievasčoahkkinjođiheaddji ja sus lea guhkes hárjáneapmi politihkalaš barggus. Erke lea maid leamaš várresátnejođiheaddji Deanu gielddas.
– Ovttasbargoguoimmit NSR, Gb ja JSL leat maid ovttaoaivilis nannet Protect Sápmi doaibmadoarjaga boahttevaš sámediggebušeahtas, ja ahte boazodoalu árbediehtoprošeavttat galget leat ohcanvuđot doarjjaortnega áŋgiruššan boahttevaš bušeahtas. Dát ulbmil lea Duohtavuođa- ja soabahankommišuvnna raportta deaŧalaš čuovvoleapmi.
– Seammás háliidan geavahit liibba giitit Berit Marie P. E. Eira (JSL) dan buori barggu ovddas maid lea dahkan ráđđelahttun, dadjá sámediggepresideanta Silje Karine Muotka (NSR). Borgemánu 19. beaivvi rájes lea Eira fas JSL sámediggeáirras ja joavkojođiheaddji.
Silje Karine Muotka
Ørjan Marakatt Bertelsen/Sámediggi
Duogáš sámediggeráđi rievdadeapmái lea go buozalmasvuođa geažil čađahuvvojedje gaskaboddosaš rievdadusat ráđis ja politihkalaš jođihangottis jagi áigi.
– Mii giitit maiddái Hans Ole Eira (Gb) su barggu ovddas ráđđelahttun, loahpaha Muotka.
Erke galgá bargat čuovvovaš áššesurggiiguin:
- Árbediehtu
- Duodji
- Vuorrasiidpolitihkka
- Dásseárvu
- Eanadoallu
- Boraspiret
- Finnmárkoopmodat
- Girku ja eallinoaidnu
- Rájiid njeaidin
Muđui leat áššesuorggit juogaduvvon eará ráđđelahtuide nu mo ovdal, earret ovtta spiehkastaga, mii lea ahte sámediggepresideanta Silje Karine Muotka dás rájes váldá badjelasas ovddasvástádusa boazodoallopolitihkas.
Silje Karine Muotka, sámediggepresideanta (NSR)
- Vuoigatvuođat
- Oppasámi ja riikkaidgaskasaš bargu
- Sirddolašvuohta, regionálaovddideapmi ja gávpotšiehtadusat
- Kreatiiva ealáhusat, mátkkoštanealáhus ja máŋggabealálaš ealáhusat
- Guolásteapmi, luossa ja lotnolas- ja meahcástallanealáhusat
- Boazodoallu
Runar Myrnes Balto (NSR)
- Bušeahtta, jahkedieđáhus ja rehketdoallu
- Sámevašši, duohtavuohta ja soabaheapmi
- Dearvvašvuohta ja sosiála
- Kulturmuittut ja vistegáhtten
- Statistihkka
- Digitaliseren
Mikkel Eskil Mikkelsen (NSR)
- Giella
- Bajásšaddan, oahpahus ja dutkan
- Nuoraidpolitihkka
- Máŋggadáfotvuohta ja LHBTQi+
Maja Kristine Jåma (NSR)
- Kultuvra
- Dálkkádat, biras ja energiija
- Areála ja johtalus
- Mediat