Sámediggi juohká giellamovttiidahttinbálkkašumi juohke njealját jagi. Bálkkašumi sáhttá oažžut ovttaskas olmmoš dahje dakkár ásahus, prošeakta dahje organisašuvdna, mii/gii lea bidjan ollu návccaid nannet, ovddidit ja seailluhit sámegiela. Sámediggeráđi lahtut ja Sámedikki bargit eai sáhte oažžut bálkkašumi. 

Bálkkašupmi lea 80 000 ruvnnu ja dáiddadiploma. Sámediggeráđđi mearrida, gii oažžu bálkkašumi. Giellamovttiidahttinbálkkašupmi geigejuvvo Sámedikki geassemánu dievasčoahkkima oktavuođas.

 Ákkastala oanehaččat árvalusat čálalaččat ja sádde dan Sámedikki giellaossodahkii ovdal cuoŋománu 30. beaivvi 2025. Árvalusat sáhttá sáddet deike: samediggi@samediggi.no