Juohkehaš gii háliida ohcat doarjaga ferte leat dohkkehuvvon ođđa Sámi Duodji-mearkkain beassan dihte ohcat doaibmadoarjaga. 

– Lea dehálaš ahte buot ohccit leat maid dohkkehuvvon ođđa Sámi Duodji-mearkkain. Duodji-mearka sihkkarastá sámi duoji kvalitehta ja autenttalašvuođa, ja lea maid hui dehálaš árbevirolaš duoji suodjaleamis, lohká sámediggeráđđi Elisabeth Erke (Gb). 

Ohcanáigemearri lea guhkiduvvon vai ohccit ožžot eanet áiggi ohcanprosessii. 

Eanet dieđuid Sámi Duodji-mearkka ohcanproseassas ja gáibádusain gávnnat Sámedikki neahttasiidduin: Duodji: Doaibmadoarjaga - Sámediggi.