Sámedikkis lea rabas gaskaboddasaš ráđđeaddi / seniorráđđeaddi virgi sámi giellajuhkosis, bistá jagi álgindáhtona rájes ja sáhttá guhkiduvvot 2026 lohppii. 

Virgi heive bures olbmuide geat beroštit servodagas ja geat liikojit hástalusaide, čállimii ja áigodagaide go lea alla bargoleaktu. Virggis leat mielde hábmeme Sámedikki AI-strategiija ja AI-politihkka.  

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Snoasas, Romssas ja Ájluovttas.

Sámedikki bargit fertejit rehkenastit veahá mátkkoštit. 

Barggut

Ráddeaddin/seniorráđđeaddin leat dus čuovvovaš barggut:  

• Rávvet, áššemeannudit ja čielggadit áššiid fágasuorggis mii váikkuha sámi politihkka ja servodatovdáneapmái.  
• Čuovvulit fágasuorggi, ja leat mielde ovddideame fágasuorggi. 
• Aktiivalaččat ohcát dieđuid, analyseret ja juohkit máhtu politihkalaš, fágalaš ja servodaga ovdáneamis. 
• Addit fágalaš rávvagiid, árvvoštallamiid ja ávžžuhusaid politihkka ovddideami oktavuođas.
• Koordineret ovddidanbargguid ja bagadit sihke kollegaid ja earáid servodagas. 
• Ovddidit ja váldit atnui ođđa bargovugiid ja reaidduid.
• Gulahallan ja ovttasbargu relevánta aktevrraiguin fágasuorggis. 
• Leat mielde ja jođihit fágasuorggi čielggademiid, dievasčoahkkináššiid ja prošeavttaid.   

Loga eambbo ja oza virgái dáppe.