Sámedikki gulaskuddan lea Oahpahusláhkalávdegotti čielggadeami NOU 2019: 23 Ny opplæringslov oktavuođas. Máhttodepartemeanta lea sádden oahpahusláhkalávdegotti čielggadeami NOU 2019: Ny opplæringslov gulaskuddamii ja gulaskuddanáigemearri lea suoidnemánu 1. beaivvi 2020.

NOU 2019: 23 gulaskuddamat leat dehálaččat Sámediggái ja Máhttodepartementii barggadettiin boahttevaš gulaskuddanárvalusain.

Sámediggi čađaha sierra gulaskuddama dainna go háliidivččii oahpahusláhkaárvalussii cealkámušaid sámi oahpahusa aktevrrain. Dat attášedje sámediggeráđđái buoret vuođu viidásat prosessii departemeanttain, dainna mihttomeriin ahte nannet sámi ohppiid oahpahusvuoigatvuođaid.

Sámedikki gulaskuddančállosis bivdit gulaskuddanjearaldagaide vástádusaid man láhkai sámi oahpahusa sáhtášii buoredit, rekruterema oahpahussii, man láhkái sáhtášii gielddaid hástalusaid čoavdit sámi oahpahusa ja makkár rolla oahpahuslágas galgá leat sámi oahpahusas. Sámediggi jearrá maiddái ahte galggašii go Sámedikkis leat eanet váldi sámi skuvllaid eaiggátvuođa badjelasas váldimis.

Sámediggi háliida sámi aktevrraid cealkámušaid čakčamánu 1. beaivái 2020.

2021 giđa lea Máhttodepartemeanttas áigumuš sáddet gulaskuddančállosa gos ođđa oahpahusláhka árvaluvvo.

Gulaskuddannotáhta (PDF, 531 kB)

Gulaskuddanreive (PDF, 321 kB)