HR - Ráđđeaddi

HR - Ráđđeaddi

Sámedikki hálddahusossodat ohcá dihtomielalaš ja áŋgiris juristta ráđđeaddi/seniorráđđeaddi virgái bargiidjuhkosis. Álgin farggamusat. Ohcanáigemearri: Cuoŋománu 11. b. 2021.

Bargobáiki lea muhtun Sámedikki kántorbáikkiin gos lea sadji. 

Juhkosa ovddasvástádussuorggit

Bargiidjuogus lea oassi hálddahusossodagas, ja juhkosis leat dál 6 bargi oktan fágajođiheddjiin. Hálddahusossodaga váldobargun lea fállat sihkkaris, buriid, beaktilis ja boahtteáigái čujuheaddji bálvalusfálaldagaid min geavaheddjiide, mat leat sihke politihkalaš- ja hálddahuslaš dásis Sámedikkis. Dat mearkkaša ahte min bálvalusat galget leat ávkkálaččat ja maiddái vásihuvvot ávkkálažžan, ja dat galget heivehuvvot geavaheddjiid dárbbuide ja vuordámušaide sisdoalu, bálvalusaid ja kvalitehta dáfus. Dasto mii galgat maid geahččalit ovdánahttit ja beavttálmahttit min bálvalusaid.

Bargiidjuhkosis lea ovddasvástádus HR strategalaš ovdánahttinproseassain, mas rekruteren, gelbbolašvuođa ovdánahttin, DBS ja bargiid- ja bálkápolitihkka lea guovddážis. Dasto doaimmaha juogus jotkkolaš bargiidhálddašeami ja hálddaša guoskevaš láhka- ja šiehtadusortnegiid. Juhkosa váldobarggut leat earret eará:

  • Fágalaš veahkki earret eará rekruteremis ja bargiidáššiin jna.
  • Doarjut ja bagadallat jođiheddjiid, ja veahkehit nuppástus-, rievdadus- ja ovdánahttinbarggus, ja dan bokte váikkuhit buori organisašuvdnakultuvrii.
  • Doaimmahit Sámedikki bargiid- ja bálkápolitihka.
  • Ráhkadit, máŧasdoallat ja ođasmahttit HR-guoski bargodábiid ja njuolggadusaid, ja fuolahit IA-bargguid, barganbirrasa ja DBS-barggu proseassaid.
  • Veahkehit ja oassálastit šiehtadallamiin ja ságaškuššamiin jođiheddjiiguin ja luohttámušolbmuiguin, ja maiddái veahkehit báikkálaš šiehtadallamiin – sihkkarastit ahte proseassat luohttámušolbmuiguin doibmet gustovaš šiehtadusaid mielde.
  • Ráđđeaddin/veahkkin bargorievtti, bargobiraslága ja hálddašanrievtti guoski áššiin.
  • Sámedikki virgáibidjanráđi, ovttasbargolávdegotti ja bargobiraslávdegotti čállidoaibma.
  • Rutiidnabarggut virgádemiid, virgelobiid ja buozalmasvuođajávkama čuovvolemiid guoski bargguiguin.
  • Bálkábargu.
  • Personsuodjalus/GDPR
  • Siskkáldas oahpahus ja gelbbolašvuođaovddideapmi juhkosa fágasurggiin.

Barggut

Virgái gullet vuosttažettiin barggut:

  • Čuovvulit ja ovddidit Sámedikki ovddasvástádusa bargoaddin, rávvet stivrra láhka- ja šiehtadusortnegiid geavaheamis.
  • Veahkehit ođasmahttimiin/digitaliseremiin.
  • Ráđđeaddin personsuodjalusas/GDPR.
  • Ráđđeaddin almmolašvuođa ja áššiid geahčadeami birra.
  • Veahkehit bargorievttálaš gažaldagaiguin.
  • Eará barggut mat gullet juhkosa ovddasvástádussurggiide.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Virgái háliidit bargi geas lea masteroahppu dahje ámmáteksámen riektediehtagis/juridihkas. Viidáseappot deattuhit gelbbolašvuođa/hárjáneami kollektiiva ja individuella bargorievttis ja personsuodjalusas/GDPR.

Sámegielmáhttu deattuhuvvo ohcciid gaskkas geat muđui leat seamma bures kvalifiserejuvvon. Kandidáhtat guđet eai hálddaš sámegiela, galget ceavzit SÁÁL 1 ja 2 vástideaddji eksámeniid. Dat galgá dahkkot jagi siste maŋŋel bargui álgima. Oahppu lea jahkebeali ja bargoaddi máksá oahppogoluid. Ohcci ferte maid leat ráhkkanan čađahit giellaiskosa bargojearahallama oktavuođas.

Muđui deattuhit:

  • Máhtu sámi servodatdiliid ja kultuvrra birra
  • Hárjáneami bargat stáhtalaš sektoris
  • Dáiddu bargat dárkilit, iešheanalaččat ja dihtomielalaččat
  • Buorre digitálamáhtu
  • Buorre gulahallan- ja ovttasbargodáiddu
  • Buorre njálmmálaš ja čálalaš ovdanbuktindáiddu

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi dahje 1364 seniorráđđeaddi. Bálká šiehtaduvvo lagabuidda.

  • Bálkkás gessojuvvo 2 % máksu Stáhta penšunkássii
  • Buorit loatna- ja penšunortnegat Stáhta penšunkássas
  • Buohkaide geat ásset Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
  • Dávgasis bargoáigi ja eará buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.
 
Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.
 
Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV - Oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.
 
Ohcanáigemearri: Cuoŋománu 11. b. 2021.

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Cuoŋománu 11. b. 2021