Rahpan lea golggotmánu 15. beaivvi dii. 13:00–14:00. Prográmma almmuhuvvo dás: 10. Sámedikki rahpan - Sámediggi

Akkrediterejuvvon journalisttat ožžot Sámedikkis beassankoartta ja besset leat visttis rahpamis.

Sámediggi lea bálkáhan Árvu fitnodaga govvejeaddji Marie Louise Somby govvet almmolaš govaid rahpamis. Preassa oažžu govaid dalán rahpama maŋŋel Sámedikki Flickr-kontos: Sámediggi Sametinget | Flickr

Ii oktage journalista beasa govvedit dievasčoahkkinlanjas rahpamis, muhto visttis ja vistti olggobealde leat iešguđet sajit gos journalisttat besset govvet.

Ođasdoaimmahagaid govvejeaddjit geat doaimmahit govaid mediafitnodagaide, sáhttet ohcat lobi govvedit dievasčoahkkinlanjas rahpamis.

NRK Sámis lea njuolggosátta rahpamis, ja rahpama čájehit maid njuolggosáttan Sámedikki neahtta-TV:s: Web-TV - Sámediggi

Jus eará mediat háliidit ealligovaid, de sáhttet daid oažžut NRK:s ja Sámedikkis. Váldet oktavuođa jus háliidehpet ealligovaid mat leat báddejuvvon rahpamis.

Sámediggi guossoha beaiveborramuša akkrediterejuvvon journalisttaide.

Akkrediterejuvvon journalisttat ožžot vejolašvuođa govvedit maiddái beaiveborramis Gonagasain, Scandic Karasjok hoteallas, rahpama maŋŋel.

Dieđiheapmi:

Preassat mat háliidit čuovvut rahpama fertejit ohcat akkrediterema. Ohcan sáddejuvvo elektrovnnalaččat Sámediggái, stábahovdii Inger Elin Utsii: gul@samediggi.no

Akkrediteremii gáibiduvvo gustovaš preassakoarta, ja kopiija das galgá biddjojuvvot mielddusin ohcamii.

Čále buohkaid sin namaid geat din redakšuvnnas háliidit searvat, ja muitte lassin namaide čállit sin e-poastačujuhusaid ja telefonnummáriid.

Akkrediterema áigemearri lea duorastaga golggotmánu 9. beaivvi dii. 16:00

Eambbo dieđuid addá:

Stábahoavda Inger Elin Utsi, +47 78 47 41 66 dahje +47 907 90 626