Duoji doaibmadoarjja lea doarjjaortnet man ulbmil lea lasihit iežasráhkaduvvon árbevirolaš dujiid vuovdima. Dat mat sáhttet oažžut doarjaga doarjjaortnegis leat ovttaolbmofitnodagat ja oasussearvvit mat doaimmahit duoji ja main lea vissis gávpejorru. Sii galget maiddái leat registrerejuvvon duodjeregistaris. 

Berit Marie P. E. Eira Árvu/Sametinget

Jagi 2023 lei várrejuvvon 2,8 miljovnna ruvnno Sámedikki bušeahtas doaibmadoarjjan duodjái. Poasttas lea leamaš 256 000 ruvdnosaš liigegolaheapmi.

– Lea leamaš deaŧalaš addit doarjaga duojáriidda, mii boahtá ávkin duodjedoaimmaide, dadjá sámediggeráđđi Berit Marie P. E. Eira (JSL). 

Dán jagi ledje 31 ohcci dán ortnegii. Eai buohkat leat olahan doarjaga, muhto 27:s sis leat ožžon doarjaga. Doarjjamearri lea rievddadan: Stuorámus doarjjasupmi mii lea addon lea 170 000 kruvnnu, mii lea eanemus maid sáhttá oažžut doarjjan, ja unnimus doarjjasupmi lea 30 900 kruvnnu. 

– Lea illudahtti oaidnit ahte eanebut ohcet dán ortnegis doarjaga. Dát čájeha ahte min ortnet lea deaŧalaš, ja mii sávvat ahte dát ovdáneapmi jotkojuvvo maiddái boahtte jahkái, dadjá Eira.