Viejega mánájgárdde, Hábmer/Hamarøy foto Anne Jannok Eira, Sametinget

Juolludeamit leat dahkkon doarjjaortnegis nuvttá sámegielat mánáidgárddit, váhnenrefušuvdna. Doarjjaortnega mihttomearri lea ahte eanet mánát sámi mánáidgárddiin ja sámi ossodagain ožžot nuvttá sámegielat mánáidgárdesaji.

Borgemánu 2023 rájes ožžo buot mánát Finnmárkkus ja Davvi-Romssas nuvttá mánáidgárdesaji. Sámediggi álggahii 2023:s nuvttá sámegielat mánáidgárdeortnega mánáide geat orrot lulábealde ráđđehusa doaibmaguovllu.

Nuvttá ortnega bokte fállá Sámediggi nuvttá váhnenmávssu, ja geatnegahttá mánáidgárddiid bargat gelbbolašvuođaovddidemiin. Sámediggi háliida dáinna ortnegiin sihkkarastit sámi mánáid vuoigatvuođaid oažžut mánáidgárdesaji mas lea sámegiella. Ortnet galgá árvvoštallojuvvot maŋŋel go lea golbma jagi doaibman.

12 mánáidgárddi leat mielde nuvttá sámi mánáidgárdeortnegis, vihtta sámi mánáidgárddi ja čieža mánáidgárddi main lea sámi ossodat. Dat sáhttet ohcat doarjaga gokčat olggosgoluid mat leat čadnon vánhenmávssuide.

Ann-Elise Finbog Árvu/Sámediggi

Mánáidgárddit ožžot bagadallama Sámedikkis, mas bargit galget oahppat geavahit giellamodeallaid ja pedagogalaš prinsihpaid iežaset beaivválaš barggus. Mánáidgárddit leat iešguđet dásis sámegiela máhtus sihke bargiid ja mánáid ektui. Bagadusaid sisdoallu heivehuvvo mánáidgárddiid gielladillái, nu ahte dat ieža sáhttet árvvoštallat, dulkot ja bidjat johtui giellabargguid iežaset mánáidgárddiin.

– Mii bargat giellaplánemiin, čađahemiin ja árvvoštallamiin. Dát lea rievdadusbargu ja lea joatkevaš proseassa mii gáibida ahte lea gierdil ja váibatmeahttun. Mánáidgárddit leat dál loahpageahčen dán prošeavttas, muitala sámediggeráđđi Ann-Elise Finbog (SáB).

Mánáidgárddit mat leat ožžon doarjaga: