Juolludan doarjagiid sámi álbmotbeaivvi ávvudeapmái

Sámediggeráđđi lea juolludan oktiibuot 772 650 ruvnno 33 ohccái mat leat ohcan doarjaga smávit ja stuorát lágidemiide sámi álbmotbeaivvi, guovvamánu 6. beaivvi, oktavuođas.

Maja Kristine Jåma Ørjan Marakatt Bertelsen

Sámi álbmotbeaivi lea deaŧalaš čalmmustahttin sámi kultuvrras ja identitehtas. Sámediggi doarju lágidemiid mat leat mielde ovddideame ja čalmmustahttime sámi kultuvrra, árbevieruid ja giela, ja eanemus maid sáhttá doarjjan oažžut sámi álbmotbeaivvi ávvudeapmái lea 40 000 ruvnno. Doarjaga sáhttá geavahit iešguđetlágan doaluide nugo konsearttaide, čájáhusaide, semináraide ja eará kultuvrralaš doaimmaide.

– Lea hui somá oaidnit ahte álbmotbeaivi ávvuduvvo miehtá riikka. Mii leat ilus go sáhttit veahkehit doarjagiin, leaš dal konsearttaide dahje dáiddalaš doaimmaide, sámi girječálliide geat lohket girjjiin dahje teavsttain, dahje semináraide gos sámi kulturbargit servet, dadjá sámediggeráđđi Maja Kristine Jåma (NSR).

Son lea ilus go nu ollugat leat ohcan doarjaga, seammás go eanet aktevrrat, organisašuvnnat ja ásahusat váldet ovddasvástádusa ja láhčet dili ávvudeapmái iežaset báikegottiin.

– Lea illudahtti ahte mis leat nu ollu aktevrrat miehtá Sámi geat fuolahit ahte mis lea buorre ávvudeapmi min gielain, kultuvrras ja historjjás. Erenoamážit givrodat mii lea min máŋggabealatvuođas ja oktavuođas. Lihku beivviin! Lahkoe biejjine!

Listu das makkár doarjagat leat juolluduvvon álbmotbeaivvi ávvudeapmái:

Innvilgede saker til feiring av nasjonaldagen
Ohcci Bajilčála Juolluduvvon supmi
Kulturdoaibmabijut
ALTA FOLKEHØGSKOLE Johan Sara Jr. konsearta 16 000
ÁLTTÁ SÁMIID SEARVI Álttá sámiid searvi bovde rabas sámi álbmotbeaivvi ávvudeapmái Álttá BUL-hállii guovvamánu 6. b.2025 34 300
BESKENJÁRGA GILISEARVI/BESKENJÁRGA GRENDELAG Gabba konsearta 40 000
DAIDDA AS Doarjja čájáhussii Gjennom tid og landskap 30 000
DAVÀS AS Felgen Orkester konsearta 20 000
EVENES KOMMUNE / EVENÁŠŠI SUOHKAN Sámi mánnu 2025 26 000
GEO-MOSKI AS Čuoigan Duorgga kulturbálgá mielde oaivečuovggain sotnabeaiveeahkeda guovvamánus 22 000
GUOVDAGEAINNU SÁMIID SEARVI Sámi álbmotbeaivvi lágideapmi Guovdageainnus 40 000
HÁMMERFEASTTA SUOHKAN 2025 Sámi álbmotbeaivvi čalmmustahttin 26 000
HÁMMERFEASTTA SUOHKAN Sámi álbmotbeaivvi čalmmustahttin 15 000
INNLANDET FYLKESKOMMUNE Sámi historjjá, giela ja kulturárbbi fágabeaivi ja Sámi álbmotbeaivvi ávvudeapmi 40 000
IVGU SÁMESEARVI Johannes Vang x 3 10 000
KUNSTNERFORBUNDET AS Sámi álbmotbeaivi Kunstnerforbundetis 30 000
IVGU SUOHKAN Sámi álbmotbeaivvi rabas ávvudeapmi Vuošvákki bajásšaddanguovddážis 25 000
OSLO SÁMIID SEARVI Kulturdoalut gos Vivian Aira logaldallá Markens grøde girjji ođđasit čállimis 10 300
OSLO SÁMIID SEARVI Sámi álbmotbeaivvi ávvudeapmi Oslos Kari Heimen konsearttain 24 000
ROMSSA SÁMI SEARVI - NSR / TROMSØ SAMEFORENING - NSR Romssa Riemut 6.2 40 000
SIELLAGA SUOHKAN Sámi álbmotbeaivvi kulturgaskkusteapmi 13 500
SÁLAT SÁMESEARVI Sámi álbmotbeaivvi 2025 ávvudeapmi 30 000
SAMER I ØSTFOLD Sámi álbmotbeaivi 15 000
SÁMI SIIDA AS Sámi álbmotbeaivvi ávvudeapmi 25 000
SAMIPATH OFFICIAL AS Quiz ja konsearta guovvamánu 6. og 7. b. 10 000
SCENEVENT UNJÁRGA/NESSEBY Arvvas konsearta guovvamánu 8. b. 2025 30 000
SISDAJVEN SAEMIEN SIEBRIE - INNLANDET SAMEFORENING Sámi álbmotbeaivi 6.2.2025 13 800
SKIEN KOMMUNE Marit Hætta konsearta 20 000
STIFTELSEN RUDOLF STEINERSKOLEN NESODDEN Juoigankursa sullii 60 nuoraide skuvllas dainna áigumušain ahte maŋŋá galgá leat konsearta earáide skuvllas (sullii 250 oahppi). 30 000
STUDENTERSAMFUNDET I TRONDHJEM Sámi álbmotbeaivvi ávvudeapmi Studentersamfundet i Trondhjem 15 000
MÁTTA-VÁRJJAT GIELDA Artistabálká sámi álbmotbeaivvi 11 750
MÁTTA-VÁRJJAT GIELDA Kulturprográmma sámi álbmotbeaivvi 40 000
TERMA FMB AS Lágideapmi sámi álbmotbeaivvi (vahkku) 20 000
TINGVOLL HUSFLIDSLAG Sámi álbmotbeaivvi ávvudeapmi 10 000
VESTERÅLEN OG OMEGN SAMEFORENING Kulturlágideapmi sámi álbmotbeaivvi 20 000
ØKSNES SAMISKE INTERESSEFORENING Sámi álbmotbeaivi Øksnes 2025 20 000
Almmuhuvvon 05.02.2025 12.30
Maŋemusat rievdaduvvon 24.04.2025 09.52

Juogadanboalut