Kent Valio Åse Pulk/Sámediggi

Direktevravirgi lea Sámedikki bajimus hálddahusvirgi ja das lea guovddáš sadji politihkalaš doaimma láhčimis ja hálddahusa jođiheamis.

– Lávdegottis ledje loahppavuorus guokte buori ohcci, ja mii leat vuođđudan min mearrádusa gelbbolašvuođaprinsihppii. Lávdegoddi lea ovttajienalaččat mearridan fállat Kent Valioi mearreáigevirggi Sámedikki direktevran, dadjá Anne Henriette Nilut, gii lea virgáibidjanlávdegotti jođiheaddji ja sámediggeáirras.

Kent Valio (54) lea Guovdageainnus eret ja sus lea viiddis hárjáneapmi almmolaš suorggis, jođiheamis, organisašuvdnaovddideamis ja sámi servodateallimis.

Sámedikki direktevrra virgáibidjanlávdegottis leat dát miellahtut:

• Anne Henriette Nilut (NSR) (jođiheaddji)
• Henrik Olsen (NSR)
• Aili Kirste Strømeng Arntzen (NSR)
• Ulf Tore Johansen (NKF)
• Hilde-Kathrine Nilsen (NKF)