Min luhtte oaččut miellagiddevaš ja ulbmillaš bargodoaimmaid máŋggabealat ásahusas mii dađistaga ovdána. IT-, arkiiva- doaibma ja resepšuvdnajuogus bargá min mihttomeriid mielde. Min bajitdási višuvdna lea: Ovttas mii nannet Sámi.

Loga Sámediggehálddahusa bajitdási strategiija

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas,  Aarbortes, Skániin, Snoasas, Romssas ja Ájluovttas.

Sámedikki bargit fertejit rehkenastit veahá mátkkoštit.

Barggut

Sámediggi lea čađahan ođđasisorganiserema mii doaibmagođii 1.1.2025 ja dan oktavuođas ásahuvvui IT-, doaibma-, arkiiva- ja resepšuvdnajuogus. Dál mii ohcat guokte bálvalusmielalaš ja teknihkalaččat čeahpes mielbargi geat háliidit doarjut Sámedikki bargiid ja gussiid. Du bargui gullá dokumeantahálddašeapmi. Dát sisttisdoallu ee. áššemeannudeami dokumeantahálddašan-áššesuorggis, Sámedikki áššejođu, nu go rutiinnaid, bagadallama, áššemannolaga ja áššiid stáhtusbajilgova, ja čielggademiid ja ráđđeaddima áššesuorggis. Ferte maiddái rehkenastit eará doaimmaid juogus-áššesuorggis. Don barggat joavkkus mii galgá buoridit Sámedikki bargiid ja politihkkáriid árgabeaivvi. Sámediggi ovdána bisánkeahttá, ja don beasat čuovvut min fágasuorggi ođđaseamos ovdáneami. Don leat maid fárus ovddideame ja ođasmahttime Sámedikki 1. linjábálvalusa.

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggiid birra ja oza virggi Karrieresiiddus