Maja Kristine Jåma Ørjan Marakatt Bertelsen

Sámedikki kultur- ja valáštallanstipeanda galgá movttiidahttit sámi nuoraid bargat dáidagiin, kultuvrrain ja valáštallamiin, ja nuorat ávžžuhuvvojit ohcat stipeandda.  

– Mii leat ilus go sáhttit doarjut nuoraid áŋgiruššama! Sii dat leat boahtteáiggi kulturguoddit ja valáštallan násttit. Kultur- ja valáštallanstipeandda bokte mii háliidat addit sidjiide vejolašvuođa ollašuhttit sin nieguid ja leat min álbmoga čeavlás ovddasteaddjit, dadjá sámediggeráđđi Maja Kristine Jåma (NSR). 

Njeallje 25 000 ruvdnosaš stipeandda juhkkojuvvojit ovttaskas olbmuide goappašiid sohkabealis. Son guhte oažžu stipeandda galgá leat gaskal 16 ja 25 jagi boaris dan jagi go stipeanda juhkkojuvvo. 

Kultur- ja valáštallanstipeandda 2024 ohcanáigemearri lea 15.11.2024. Ohcamat mat sáddejuvvojit dán beaivvi maŋŋá, eai meannuduvvo.