Leago dus ráfáidahttojuvvon sámi visti maid fertešii divodit? De sáhtát ohcat doarjaga dása. Doarjja man namma lea Doarjja - sámi kulturmuittut ja kulturbirrasat lea erenoamážit ráfáidahtton sámi visttiid priváhtta eaiggádiidda. Áigemearri ohcat doarjaga jahkái 2023 lea skábmamánu 1. beaivvi 2022. Loga eanet ja oza – Lea erenoamáš somá oaidnit movt boares ja billahuvvan vistti, doarjagiin ja nana duodjemáhtuin, sáhttá divodit ja atnigoahtit fas, leaš dál sáhka ođđasit atnimis dahje visttiin maidda álggahuvvo ođđa doaibma, dadjá sámediggeráđđi Hans Ole Eira (Gb). Almmuhuvvon 18.10.2022 11.27 Maŋemusat rievdaduvvon 18.10.2022 12.16