Bargobeaivvit leat girját, ja virggis beasat bargat ollu iešguđetlágan ja miellagiddevaš bargguid. Min boahttevaš ráđđeaddin dus lea mávssolaš doaibma oktavuođaid huksemis Sámedikki ja dan birrasa gaskkas. Dál lea dus vejolašvuohta hábmet ja váikkuhit gulahallamii mávssolaš vuogi mielde!

Gulahallanstába veahkeha politihkkáriid, hálddahusa ja fágaossodagaid gulahallanbargguin. Mii bargat ráđđeaddin ja gaskkustit servodahkii daid mearrádusaid mat Sámedikkis dahkkojuvvojit, dan dahkat preassadieđáhusaid, mediain gulahallama ja sisdoallobuvttadeami bokte Sámedikki neahttasiidduide ja sosiála mediaide. Dasa lassin mii veahkehit gieđahallat media ja hárjehallat mediain gulahallat.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas .
Sámedikki bargit fertejit rehkenastit veahá mátkkoštit.

Barggut

Leat dus čuovvovaš barggut:

• Rávvet mediain gulahallamis ja dustet mediagažaldagaid. 
• Buvttadit ja almmuhit sisdoalu ruovttusiidui, intranehttii ja sosiála mediaide.
• Veahkkin hábmet ja sáddet preassadieđáhusaid.
• Veahkkin čállit sáhkavuoruid politihkalaš ja hálddahuslaš jođiheddjiid ovddas.
• Plánet ja čađahit gulahallandoaimmaid.
• Buvttadit SoMe-sisdoalu ja videoid.
• Raporteret jođiheddjiide.

 
Dus lea lagas ovttasbargu politihkkáriiguin. Don maiddái veahkehat Sámedikki almmuhit čállosiid iešguđet lávddiide, ja maiddái báddet, čuohppat ja tekstet videoid.

Du bargobeaivi hábmejuvvo dárbbuid ja du gelbbolašvuođa mielde. Fertet maid rehkenastit ahte virggi ja juhkosa barggut rivdet Sámedikki dárbbuid vuođul. 

Loga eambbo ja oza virgái dáppe.