Runar Myrnes Balto Åse M. P. Pulk/ Sametinget

– Dát dutkan lea almmuhuvvon Sámedikki doaibmaplána doaibmabidjun sámecielaheami vuostá, ja lean duhtavaš go dál leat álgán. Mii diehtit ahte sámecielaheapmi váikkuha boazodoallonuoraide, muhto dárbbašit eanet dieđuid movt nállevealaheapmi ilbmá ja movt dat váikkuha nuoraide, dadjá sámediggeráđđi Runar Myrnes Balto (NSR).

Sámi allaskuvla galgá čađahit dutkama jagi sisa, ja lea ožžon 2 250 000 ruvnno bargui. Dásseárvvu ja vealahanáittardeaddji ja Sámediggi ruhtadeaba prošeavtta ovttas.

– Lean duhtavaš ovttasbargguin Dásseárvo- ja vealahusáittardeddjiin. Min oktasaš mihttu lea háhkat eanet dieđuid nállevealaheami birra man olu boazodoallonuorat vásihit árgabeaivvis, nu ahte sáhttit addit boazodoallonuoraide nu buori ráđđeaddima ja veahki go vejolaš, dadjá Myrnes Balto.

Dutkan galgá gokčat olles sámi boazodoalu geográfalaš guovllu Norggas.

Dát galgá dutkojuvvot:

• Movt nuorat geain gullevašvuohta boazodollui gieđahallet vásáhusaid nállevealahemiin
• Makkár servodatlaš dilit ja earáhuhttimat váikkuhit vásihuvvon nállevealaheami nuoraid gaskkas
• Kártet movt nuorra boazodolliin lea skuvllas dahje go oasálastet astoáigedoaimmain Galgá maid kártejuvvot makkár miellaguottut leat sin gaskkas geat fállet almmolaš bálvalusaid
• Kártet geat dahje makkár joavkkut dat badjelgehččet, čállet vaššás mearkkašumiid ja cielahit nuoraid geain lea gullevašvuohta badjedillái

Jearahallama addá ja gažaldagaid vástida sámediggeráđđi Runar Myrnes Balto (NSR), +47 977 73 778, runar.myrnes.balto@samediggi.no